Јосип Броз Тито, кој е роден на 7 мај 1892 година, можел да се пофали со недвижнини во различни делови од светот, но за станот на Менхетен особено се зборувало.
За време на својот живот, Јосип Броз Тито поседувал недвижнини низ целиот свет, но ниту една од нив не предизвикала толку внимание и мистерија како неговиот луксузен стан во Њујорк. Токму овој имот, сместен на престижниот Парк Авенју, со години е предмет на приказни, шпекулации и медиумски интерес.
Tito’s New York apartment sold for $12 millionhttps://t.co/4GcogxmISU #realestate #newyork #property #tito pic.twitter.com/Jw9ef0y1E5
— The Dubrovnik Times (@DubrovnikTimes) June 2, 2018
Станува збор за простран пентхаус што ѝ припаѓал на поранешна Југославија, кој бил продаден на анонимен купувач во 2018 година за околу 12 милиони долари, иако претходно се проценувало дека вреди дури 20 милиони. По распадот на државата, станот го изгубил својот статус и практично останал без вистински сопственик, што дополнително ја искомплицирало неговата судбина.
Интересно е што овој дуплекс со шест спални соби стоел сосема празен 19 години. Запуштен толку долго, неизбежно пропаднал, па фотографиите објавени од „Њујорк пост“ еднаш покажале колку бил опустошен ентериерот.
И некогаш беше вистински луксуз: околу 418 квадратни метри елегантни соби, вклучувајќи библиотека и соба за куќни помошнички. Внатрешноста била украсена со богати дрвени декорации, камини, пијано, скапи теписи и бројни антиквитети - детали кои јасно покажуваат ниво на раскош што ретко се гледа.
Here are two images of President Josip Broz Tito's New York City penthouse apartment at 730 Park Ave. Bought in 1975 for $100k, it sat vacant after the fall of Yugoslavia until the Serbian gov't finally sold it in 2018 for $12mil, with the money split btwn the former republics pic.twitter.com/kHtZItQitL
— Spomenik Database (@SpomenikDatabse) January 24, 2020
Со текот на времето, се појавиле тврдења дека овој луксузен дуплекс го користел Тито како „бункер“ откако се обиделе да го ликвидираат додека тој престојувал во хотелот „Валдорф Асторија“.
Додека станот не бил продаден на анонимен купувач, многу ѕвезди биле заинтересирани за него, вклучувајќи ги Роберт де Ниро и Џек Николсон.
