Станува збор за моделот "Amazon", автомобил од средната класа кој се произведувал во периодот од 1956 до 1970 година. Овој автомобил оставил длабока трага во автомобилската историја.

Препознатлив дизајн

„Volvo Amazon" ја наследил платформата и основната конструкција од својот претходник PV444/544, вклучувајќи го меѓуоскиното растојание, исправената каросерија и високата позиција на седење.

Бил достапен во повеќе верзии – лимузини со различен број врати и караван – а сите биле препознатливи по таканаречениот понтон дизајн.

Во 1959 година, „Volvo“ станал првиот производител во светот кој вовел сигурносни појаси на предните седишта како стандардна опрема, и тоа во сите модели на "Amazon", вклучувајќи ги и извозните верзии.

Подоцна, овој модел станал и еден од првите автомобили што стандардно користел сигурносен појас во три точки.

Производството првично било организирано во Гетеборг, а подоцна било префрлено во фабриката Торсландафабрикен, која започнала со работа во 1964 година.

Посебно се издвојувал 123GT

Вкупно биле произведени 234.653 лимузини со четири врати, 359.917 верзии со две врати и 73.220 каравани, при што околу 60 проценти од возилата биле извезени, што носи вкупна бројка од 667.791 произведени примероци.

Во текот на 14-те години производство, моторите постепено се развивале – од 1,6-литарскиот B16 агрегат, преку 1,8-литарскиот B18, па сè до 2,0-литарскиот B20 мотор.

Посебно се издвојувал моделот 123GT, претставен во 1967 година, кој го користел моќниот B18B мотор преземен од спортскиот P1800, нудејќи напредни перформанси во комбинација со практичноста на "Amazon".

Денес, „Volvo Amazon" останува многу повеќе од обичен автомобил – претставува симбол на една епоха и доказ дека сигурното инженерство, безбедноста и дизајнот можат да се спојат во возило кое успешно му одолева на времето.

Како популарниот јутјубер Хампус Гранстром му го врати стариот сјај на овој класик и ги воодушеви гледачите ширум светот, погледнете во видеото.