Карло Анчелоти го продолжи својот договор како селектор на бразилската фудбалска репрезентација до 2030 година. Целта е да се врати моќта на екипата која петпати била светски првак, а првиот поголем тест ќе биде на претстојното Светско првенство во Северна Америка.
Бразилската фудбалска асоцијација (ЦБФ) денес потврди дека Карло Анчелоти потпиша нов договор до летото 2030 година.
Во кратко соопштение, ЦБФ нагласи дека Бразил ќе продолжи да биде под команда на еден од најдобрите тренери во историјата, истакнувајќи дека имаат апсолутна доверба во него дека ќе го направи „Селесао“ сила каков што беше некогаш.
Анчелоти го презеде Бразил минатото лето откако го напушти Реал Мадрид по четири години.
Светското првенство во САД, Канада и Мексико ќе биде неговиот прв голем тест како селектор, а притисокот е како и секогаш огромен.
Бразил е светски шампион пет пати, но чека на трофеј од 2002 година.
Бразил е во групата Ц со Шкотска, Хаити и Мароко.
Foto/ Depositphotos
