На денешен ден, 13 мај 1779 година, родниот крај на нацистичкиот лидер Адолф Хитлер бил префрлен од баварска во австриска сопственост.
Станува збор за подрачјето наречено Инфиртел, именувано по реката Ин која минува низ тој регион. Таа територија уште од раниот среден век ѝ припаѓала на Баварија, што оставило трага и врз локалниот јазик.
Меѓутоа, токму на овој датум во 1779 година, Инфиртел ѝ бил доделен на Австрија со мировниот договор во Тешен (денешен полски Цјешин), со кој бил завршен Војната за баварското наследство.
Станувало збор за конфликт предизвикан од спротивставените ставови околу тоа кој треба да ги наследи баварските територии по смртта на последниот баварски владетел од тогашната владејачка гранка на династијата Вителсбах.
На крајот, по Војната за баварското наследство бил постигнат компромис, а австриската добивка бил токму Инфиртел.
На тоа подрачје се наоѓа познатиот град Браунау ам Ин, каде што е роден Адолф Хитлер.
Во регионот Инфиртел е роден и композиторот на познатата божиќна песна „Тивка ноќ“ (германски: „Stille Nacht“). Познатиот нацист Ернст Калтенбрунер, кој за време на Втората светска војна бил на чело на Главната служба за безбедност на Рајхот (германски: „Reichssicherheitshauptamt“ – „RSHA“), во чиј состав бил и „Гестапо“, исто така е роден во Инфиртел, недалеку од Хитлеровиот Браунау.
