Сепак, за разлика од нивните ликови, тие веднаш направиле сè за да бидат заедно.

Пред камерите страдале а зад нив – направиле сè што Лукас и Жаде не смееле.

Во почетокот на 2000-тите години, бразилската теленовела „Забранета љубов“, чиј оригинален назив е „O Clone“, ја освои публиката ширум светот и стана една од најгледаните латиноамерикански серии од тоа време. Необичната приказна за забранетата љубов, судбината и судирот меѓу науката и религијата ја издвои меѓу бројните сапуници и ги претвори главните актери во големи ѕвезди познати низ целиот свет.

Неповторливата приказна на „Забранета љубов“

Речиси и да нема човек кој барем еднаш не ја погледнал приказната за Жаде, младата муслиманка која пораснала во Бразил, но по смртта на мајка ѝ се сели кај семејството во Мароко, каде што владеат строги правила и традиција.

Токму таму таа го запознава Лукас, човекот кој никогаш не успеала да го заборави.

Години подоцна, тие двајца повторно се среќаваат во Рио де Жанеиро, додека и двајцата се во несреќни бракови и ги чувствуваат истите оние емоции како кога првпат се сретнале и планирале заедно да побегнат. Заплетот дополнително го комплицира појавувањето на Лео, клонот на братот на Лукас, Диого, кој го создал семејниот пријател и научник Албиери.

Ликот на фаталната Жаде го толкувала актерката Џована Антонели, додека улогата на Лукас му припаднала на актерот Мурило Бенисио. Тој во серијата имал особено тешка задача, бидејќи толкувал дури три лика: Лукас, неговиот брат близнак Диого и клонот Лео.

Сепак и покрај напорното снимање, на сетот му се случило нешто што не го очекувал – се вљубил.

Љубовта на вистинските Лукас и Жаде

Во моментот кога почнало работењето на серијата, Мурило зад себе веќе имал деценија успешна актерска кариера, како и брак од кој го добил синот Антонио. По разводот бил во врска со актерката Каролина Фераз, но таа романса завршила во 2001 година, за време на снимањето на оваа хит-серија, наводно поради нејзината љубомора.

Дали навистина имала причина за сомнеж, актерот никогаш не коментирал. Сепак, токму во тоа време меѓу него и Џована Антонели се родиле емоции.

Според пишувањата на странските медиуми, тие двајца официјално ја започнале врската во 2002 година.

Таа брзо станала сериозна, па само неколку месеци подоцна почнале и да живеат заедно. За својот приватен живот ретко зборувале јавно, но познато е дека во 2004 година накратко раскинале, по што сепак се смириле.

Во 2005 година го добиле синот Пјетро, но нивната врска набрзо по неговото раѓање завршила, а како причина за разделбата ги навеле непремостливите разлики.

Иако потекнува од актерско семејство, исто како и неговиот постар полубрат Антонио, Пјетро неодамна открил дека не се гледа себеси во светот на актерството.

„Не сум сигурен, бидејќи има толку многу работи што ми се важни. Но, тоа нема да биде актерството, тоа веднаш можам да го кажам“ изјавил тој во разговор со новинарите.

Романсата на Џована и Маурило траела релативно кратко, но оставила длабока трага во нивните животи. Актерката еднаш признала дека од тој однос го носи она најдрагоценото.

„Резултатот од нашата соработка е неверојатен, не само на екранот, туку и во нашите приватни животи. Го добивме Пјетро, тоа прекрасно момче кое е подарок во нашите животи“ рекла Џована во едно интервју.

Инаку актерката со години е во хармоничен брак со Леонардо Ногеиро, со кого е од 2009 година. Од друга страна, Мурило потоа седум години бил во врска со актерката Дебора Фалабела, која токму во „Забранета љубов“ ја толкувала Мел, ќерката на неговиот лик Лукас. Нивната врска завршила во 2019 година, а актерот оттогаш својот љубовен живот главно го држи далеку од очите на јавноста.