Откако откриле дека никогаш не пијат алкохол еден без друг и дека секоја вечер заедно се молат, многумина ја нарекоа нивната врска престрога, на што парот одлучи да одговори.

Како започнало сè?

Тие запознале пред четири и пол години во еден ресторан во Гринвил. Грејсен се заинтересирала за децата на Кевин, по што тој почнал почесто да доаѓа сам, а наскоро почнале да се гледаат и надвор од работата. Се венчале во ноември 2025 година и отворено зборуваат за својата врска на ТикТок.

Во една од неодамнешните снимки ги откриле своите „договори за кои нема преговори“, а тоа се заедничка молитва секоја вечер и правилото никогаш да не консумираат алкохол еден без друг.

„Во бракот воведовме практика секоја вечер заедно да се молиме… Тоа е последното нешто што го правиме пред спиење“, рекле тие. „Независно од верата, самата намера да се изрази благодарност е одличен начин заедно, но и поединечно, да се фокусираме“, објасниле тие.

„Не станува збор за контрола, туку за јасност“

Осврнувајќи се на критиките, парот објавил видео во кое ја појасниле својата одлука.

„Неодамна за нас пишуваше UNILAD и сите велат дека нашиот брак е ’престрог‘. Па, ајде да разговараме за тоа“, започнала Грејсен, објаснувајќи дека тие никогаш не ги нарекувале правила.

„Никој не ни го наметна тоа ниту нè присили. Тоа беше наш заеднички избор“, рекла таа.

Кевин додал дека правилото за неконсумирање алкохол одделно предизвикало најмногу контроверзии.

„Консумирањето алкохол ве прави ранливи, а јас не сакам да бидам ранлив без својата партнерка. За нас тука не станува збор за ограничување. Станува збор едноставно за тоа да не се доведуваме во ситуација во која сме ранливи кога не сме заедно. Едноставно не сакаме такви ситуации“, рекол тој.

„Во суштина, мислам дека луѓето го слушаат зборот ’правила‘ и веднаш помислуваат на ’контрола‘. Ние, пак, слушаме ’јасност‘ и помислуваме на ’усогласеност‘“, објаснил Кевин.

Грејсен заклучила: „Тоа не е за секого, но нам ни одговара. Затоа вие правете по свое, а ние ќе правиме по наше“.

Поделени реакции на социјалните мрежи

Нивната објава предизвика лавина коментари, а мислењата беа поделени.

„Сакам да испијам чаша вино со блиски пријателки. Не можам да замислам дека би морала да го одбијам тоа затоа што нема да пијам без сопругот“, напишала една корисничка.

Друга се осврнала на разликата во годините: „Не можам да се замислам во триесеттите со мислата дека мојата сродна душа уште не ни е родена“.

Од друга страна, многумина го поддржале нивниот пристап.

„Никогаш не пијам без мојот сопруг. Зошто и би пиела? Се согласувам. А со него сум сигурна!“, стои во еден од коментарите за поддршка.

„Станува збор за почит кон партнерот, секоја чест!“, додал друг корисник.

Мислење на советничка за врски

Советничката за врски Бек Томпсон за „news.com.au“ изјавила дека во нивните правила нема ништо суштински погрешно.

„Заедничка молитва, избегнување префрлања, покажување љубезност дури и за време на караница – тоа се работи што и самата ги поттикнувам кај своите клиенти“, рекла таа.

„Проблемот не се самите правила, туку јазикот што се користи. Во моментот кога нешто во врската ќе го наречете ’правило за кое не се преговара‘, тонот се менува од поврзаност во обично придржување. Здравите парови обично до такви договори доаѓаат природно, не ги објавуваат како да станува збор за договор“, појаснила Томпсон.

„На прв поглед, одлуката да не се пие одделно звучи како поставување граници. Но, кога морате превентивно да го браните тоа пред целиот интернет, а никој ни не ве прашал, тоа е нешто на што вреди да се обрне внимание“, заклучила таа.