Бијонсе и Ријана се најдоа на мета на остри критики од фановите, кои тврдат дека фотографиите што ги објавуваат по Мет Гала се „претерано обработени“, „фотошопирани до непрепознатливост“ и дополнително дотерани со апликации за разубавување како „FaceApp“.

Фановите бесни на мрежите

На социјалните мрежи брзо се појавија бројни коментари во кои корисниците тврдат дека објавените фотографии се далеку од реалниот изглед од настанот.

„Ова повеќе не се Бијонсе и Ријана, ова се нивни AI верзии“, „На црвениот тепих изгледаат како кралици, а на Инстаграм како филтер реклама“, „Колку фотошоп е премногу фотошоп? Ова веќе е друга личност“, „Мет Гала во живо и Мет Гала на Инстаграм се како два различни универзума“, „FaceApp очигледно бил ВИП гостин на вечерта“.

Расправа за реалноста на Инстаграм

Полемиката дополнително се разгоре бидејќи дел од публиката смета дека големите ѕвезди се под постојан притисок да изгледаат „беспрекорно“ на мрежите, додека други истакнуваат дека границата меѓу реалноста и дигиталната обработка одамна е избришана.

Посебно се коментира фактот што фотографиите од настанот кои самите ги објавуваат се разликуваат од папарацо-фотографиите и официјалните агенциски снимки.

Мет Гала повторно во центарот на вниманието

Мет Галата и оваа година покажа зошто важи за најследен моден настан, но и простор каде што секој детаљ – од фустаните до фотографиите – се анализира до најситни детали. Додека едни ги бранат пејачките и тврдат дека сè е прашање на лична естетика и социјални мрежи, други не престануваат да ги критикуваат, тврдејќи дека „реалноста целосно исчезнала зад филтрите“.