Кардиохирургот д-р Џереми Лондон, кој неодамна откри четири работи што постојано ги избегнува за да ги зголеми шансите за долг и здрав живот, а меѓу нив се и засладените газирани пијалаци, пишува „ЛАДбајбл“.

Четири работи што кардиологот ги избегнува

Објавувајќи го списокот на социјалните мрежи, докторот започна со најочигледното, пушењето.

„Прво, пушењето. Тоа е без сомнение најлошото работа што можете да ја направите за целото ваше тело. Ги уништува белите дробови, предизвикува рак, го зголемува кардиоваскуларниот и ризикот од срцев и мозочен удар. Не пушете“, напишал тој.

Следно на неговата листа е алкохолот, за кој вели дека е „отровен за секоја клетка во телото“. Тој истакнал дека одлуката да го исфрли од својот живот била „веројатно една од најважните одлуки што ги донел во возрасната доба“.

На списокот се нашле и лебот, тестенините, рафинираното брашно и пченицата.

„Осумдесет отсто од контролата на телесната тежина ја чини исхраната, а само 20 отсто е вежбањето. Ви гарантирам дека со храната можете да внесете повеќе калории отколку што можете да согорите преку било каква вежба“, додал Лондон.

„Течна смрт“

На крајот на ред дошле безалкохолните газирани пијалaци, кои ги нарекол „течна смрт“.

„Едноставно не ги пијте. И тоа е тоа“, рекол тој.

Интересно е што во подоцнежно интервју за „Тудеј“, тој признал дека неговата остра изјава за газираните пијалаци делумно била и начин да привлече внимание.

„Верувам дека засладените газирани пијалаци се неволја на нашето општество и со тоа навистина сакав да го привлечам вниманието. Висококалоричните пијалаци и внесувањето голем број калории преку нив, за кои луѓето често не се свесни, е нешто што дефинитивно треба да се избегнува“, рекол тој.

Проблемот не е само шеќерот

Со неговото мислење се согласува и д-р Вилијам Ли, кој смета дека газираните пијалаци често поминуваат „под радарот“ во споредба со другите штетни производи.

„Газираните пијалаци се дежурен виновник на сите, и со право. Бројни клинички докази и податоци за јавното здравство покажуваат дека прекумерната консумација на газирани пијалаци е поврзана со низа болести, од метаболички и кардиоваскуларни па сè до зголемен ризик од рак“, објаснил тој.

„Но, дали проблемот е само во шеќерот? Дали гликозата е демонот што треба да го обвинуваме? Одговорот е не. Газираниот пијалак не е само вода, инаку би била минерална вода. Содржи бројни адитиви, бои, вкусови, конзерванси и стабилизатори. Проблемот е долготрајната изложеност на такви супстанции. Не станува збор за еднократна изложеност, туку за хронична изложеност со текот на времето.“