Станува збор за култната бонбониера „Сливовица“, која комбинирала темна чоколада и сливовица, а се произведувала во фабриката „Josip Kraš“. Овој десерт, често нарекуван и чоко-десерт, некогаш бил популарен подарок во поранешна Југославија.

Бонбониерата „Сливовица“ од 1967 година била широко застапена на пазарот и ја консумирале и возрасни и деца, и покрај тоа што содржела алкохол.

Според наводите што се споделуваат на интернет, содржела околу 2,5 проценти алкохол и важела за „сладост што ги радувала сите генерации“.

Слатко што спојувало чоколада и алкохол

Овој производ на компанијата „Kraš“ бил дел од период кога кондиторската индустрија експериментирала со вкусови и комбинации кои денес изгледаат необично. „Сливовица десерт“ денес се гледа како интересен пример за време во кое границите меѓу детските и „возрасните“ вкусови биле многу поопуштени отколку денес.

Носталгија и изненадување на социјалните мрежи

Бонбониерата повеќе не се произведува, но на интернет стана своевиден носталгичен симбол на едно минато време. Многу корисници коментираат со изненадување дека ваков производ воопшто бил достапен за деца, додека други во него гледаат дел од колективната носталгија.

„Веселба за сите генерации“ е еден од коментарите што често се повторува, додека други истакнуваат дека станува збор за „балканска верзија на гриоте“ и интересен потсетник на поинакви стандарди во индустријата на слатки, пишува „dnevno.hr“.