„Google“ го „изеде“: Симболот на интернетот што сите го сакавме повеќе не постои

„Ask Jeeves“ за првпат беше лансиран во 1996 година и, со својот фокус на одговарање на конверзациски прашања поставени на природен јазик, претставуваше своевиден претходник на денешните AI четботови. Сепак, во поголемиот дел од својата речиси 30-годишна историја, остана во сенка на другите пребарувачи, пред сè на „Google“.

Пораката на веб-страницата на „Ask.com“ моментално гласи: „Додека „IAC“ продолжува да го изострува својот фокус, донесовме одлука да го прекинеме нашето работење во областа на пребарување, што го вклучува и „Ask.com“. По 25 години одговарање на прашањата на светот, „Ask.com“ официјално е затворен на 1 мај 2026 година“.

Сепак, на страницата се нагласува дека „духот на Џивс сè уште живее“.