[ФОТО] Присуствуваше на Мет гала само еднаш и влезе во историјата: Култното модно издание на принцезата Дајана со кое го прекрши протоколот

Само две членки на британското кралско семејство некогаш присуствувале на Мет гала, а првата што го направи тоа беше сосема очекувано принцезата Дајана.

Таа само еднаш присуствуваше на овој моден настан и тоа во 1996 година, кога остави силен впечаток.

Свежо разведената членка на кралското семејство ја искористи најголемата модна моќ како можност да го истакне својот ослободен стил, носејќи чипкаст слип-фустан на Џон Галијано за модната куќа „Dior“.

Кога влезе на Мет гала во придружба на пријателката и модна уредничка Лиз Тилберис, принцезата имаше соодветна наметка, а нејзиното модно издание порача дека не само што е слободна по несреќниот брак со Чарлс, туку и дека е ослободена од ограничувањата на Кенсингтонската палата во однос на облекувањето.

Фустанот имаше сензуален чипкаст дел долж длабокото деколте, а кога Џон Галијано го изработувал фустанот по мерка за принцезата, инсистирал тој да биде во розова боја, што принцезата од Велс го одбила.

Интересно е што Дајана пред настанот променила важен детаљ од фустанот без знаење на дизајнерот, кинејќи го корсетот од креацијата.

„Се сеќавам како излезе од автомобилот. Не можев да поверувам, го искина корсетот“, изјави Галијано во една прилика.

Сега веќе култниот фустан од Мет гала имал поструктуриран горен дел и корсет, но Дајана сепак не сакала да го носи тоа.

Овој нејзин потег, според зборовите на дизајнерот, бил најдобар и му дал уште посензуална нота на фустанот.

Со овој фустан, принцезата носеше темносина „Dior Lady Di“ чанта, а како темносиниот фустан да не бил доволно впечатлив, Дајана носеше и пар обетки со сафири и дијаманти, како и ѓердан со седум низи сафири и бисери.

Во документарната серија „Во мода: 90-ти“, не зборуваше само Галијано со љубов за принцезата Дајана од Мет гала, туку и поранешната уредничка на „Vogue“, Ана Винтур.

„Мислам дека сите бевме толку воодушевени и фасцинирани од принцезата Дајана. Во тоа време, таа беше најпознатата жена во светот. Уживаше во модата и вниманието што го посветуваше на британските дизајнери“.

Појавувањето на Дајана на Мет гала во 1996 година се случи помалку од една година пред нејзината смрт. А во речиси 30 години кои поминаа оттогаш, само уште една членка на британското кралско семејство беше на овој моден настан.

Ќерката на поранешниот принц Ендру, принцезата Беатрис, присуствуваше на Мет гала во 2018 година, која ја одбележа изложбата „Heavenly Bodies: Fashion and the Catholic Imagination“.

Нејзиниот виолетов фустан беше „посоодветен“ за кралското семејство со лелеави ракави и украси околу вратот од Алберта Ферети. Беатрис исто така носеше украс за глава во форма на неколку златни ленти за коса.