Интер Мајами никако не успева да победи на новиот стадион, а рано утрово и го забележа првиот пораз на истиот и тоа во соочувањето со ривалот од Флорида, Орландо Сити.
Домаќините имаа пеколно прво полувреме, дадоа три гола, а можеа уште толку, меѓутоа на одмор однесоа предност од 3-1. Меѓутоа фаворитот беше многу лош по паузата, дозволи гостите да напаѓаат, да ги користат шансите и направат сензационален пресврт и слават со 4-3.
Ова секако е удар за шампионот и за тоа е свесен капитенот Лионел Меси кој им испратил јасна порака на соиграчите во соблекувалната.
-Нашиот капитен говореше и ни испрати доста зборови. Нè охрабри за следниот натпревар и рече дека ова е неприфатливо. Сите се согласивме со него, тоа е неприфатливо и сигурно нема да се случи повторно, -истакна дефанзивецот Јан Фрај.
Меси на овој меч даде мајсторски гол и забележа асистенција.
