Славниот актер Пирс Броснан е речиси непрепознатлив во новата улога во филмот „Giant“, во кој го толкува легендарниот ирски боксерски тренер Брендан Ингл.
По објавувањето на трејлерот за филмот „Giant“, неговата трансформација за улогата предизвика големо внимание во јавноста и стана една од главните теми. Многу обожаватели истакнуваат дека актерот изгледа сосема поинаку и дека улогата ја одиграл исклучително уверливо.
Во филмот, кој го следи животот на боксерот Принц Насим Хамед, Броснан се појавува во целосно изменето издание — со побелена коса, очила и постар изглед на лицето, поради што многумина на прв поглед едвај го препознаваат.
„Giant“ ја носи приказната за подемот на еден од најконтроверзните и најуспешни боксери од 90-тите години — од скромните почетоци во Шефилд до светската титула. Посебен фокус е ставен на односот меѓу Хамед и неговиот тренер Ингл, кој имал клучна улога во неговата кариера.
Филмот исто така обработува теми за борбата против предрасудите и општествените предизвици во Велика Британија во текот на 80-тите и 90-тите години, кога Хамед го градел својот пат кон врвот.
Филмот „Giant“ веќе беше прикажан на фестивали, а неговата дистрибуција во кината се очекува во текот на 2026 година.
Денес
