Жената, на мрежите позната како Алаја Флојд, објавила фотографија на која позира со насмевка, додека нејзиниот поранешен сопруг во позадина изгледа видно вознемирен, пишува „Daily Dot“.

Објава што покрена лавина

Виралната фотографија прикажува, се чини, судница со службено лице во позадина кое ја средува документацијата. Во описот на објавата, која масовно се споделува на Инстаграм и X, Флојд покрај својот нов брачен статус „разведена“ додала емотикон срце.

Потоа ѝ се обратила, како што се претпоставува, на мајката на нејзиниот поранешен сопруг: „Заминувам со она со што и дојдов, а не дојдов со деца“, напишала Флојд и додала дека децата ќе ги „гледа за време на викендите“.

Други детали, како тоа колку деца има парот и идентитетот на таткото и децата, не се објавени поради заштита на приватноста.

Бран осуди и критики

Како што и се очекуваше, објавата предизвика жестока расправа, а многу корисници ја осудија мајката поради таквото однесување. Еден корисник на X покрена расправа со прашање дали таков потег е прифатлив, по што следеа бројни коментари.

„Тие деца се спасени“, гласеше еден коментар. Друг корисник додаде: „Подобро за него и неговите деца“.

Се појавија и коментари како: „Мислам дека е добро што си отишла навреме“, „Ете ти мајки на новата генерација“, „Ќе зажали за ова“, „Никогаш не би можела да ги напуштам моите деца“. Една личност праша: „Зошто такво детинесто однесување?“, а уште една смета дека децата различно реагираат на мајката и таткото: „Децата ги боли кога мајката ќе го направи тоа“.

„Мажите тоа постојано го прават“

Меѓутоа, дел од корисниците застанаа во одбрана на жената.

„Прифатливо. Очигледно воопшто не сакала деца“, забележа една личност. Друга понуди можно објаснување: „Разбирам зошто луѓето се лути, но начинот на кој се изразила ме наведува на помисла дека таа е маќеа“.

Многумина истакнаа двојни стандарди во општеството. „Не гледам во што е проблемот. Мажите тоа постојано го прават, но станува проблем кога тоа го прави жена“, напишал еден корисник и додал: „Таа го исполнува својот дел од обврската, ќе ги гледа за време на викендите и ќе плаќа алиментација“.

„Мажите ги збунува тоа што жените ја разбираат алиментацијата и што ќе сакаат да платат за мир“, напишала уште една личност.

„Не гледам во што е проблемот, не ги напушта. Ќе живеат со таткото“, напишала една корисничка на X. „Нема сомнеж дека ќе ги гледа и ќе плаќа алиментација“.

Имало и други коментари на поддршка: „Не гледам ништо лошо. И понатаму ќе ги гледа децата“, „Јас би го направила истото“, „Повеќе жени би требало да го направат тоа“.