Сопругата на популарниот актер краде воздишки без оглед на фактот што наскоро влегува во шестата деценија од животот.
Мет Дејмон и неговата сопруга Лусијана Баросо не се појавуваат често заедно на јавни настани, но кога ќе го направат тоа привлекуваат големо внимание. Прекрасниот пар овојпат ги воодушевил сите после што заедно прошетале на црвениот тепих на еден настан во Сан Франциско.
Актерот којшто е татко на четири деца, ниту овојпат не ја изоставил елеганцијата, пленел во темносив костум којшто го искомбинирал со црна кошула, додека пак Лусијана заблескала во прекрасен црн фустан со тенки рамчиња и сандали на висока потпетица.
Неверојатната бринета овојпат ја пуштила косата да паѓа до рамениците и со својот изглед предизвикала воодушевување.
На парот му се придружил и долгогодишниот пријател на Мет Дејмон, Бен Афлек којшто исто така бил елегантно облечен.
Во текот на вечерта, Мет Дејмон и Бен Афлек добиле престижни награди кои им ги врачиле децата на легендарниот актер Робин Вилијамс, Зак, Зелда и Коди Вилијамс.
Оваа награда го препознава нивното влијание и моќ кои инспирираат промени. Робин Вилијамс почина во август 2014 година на 63-годишна возраст.
Дејмон и Афлек заедно го напишаа сценариото за култниот филм „Добриот Вил Хантинг“ од 1997 година во којшто глумеа заедно со Робин. Филмот им донесе Оскар за најдобро сценарио, додека пак Робин освои Оскар за најдобра споредна улога.
„Робин не беше само некој на којшто му се восхитувавме. Тој ни ги оствари соништата. Му должиме многу“, навеле во заедничка изјава.
„Да добиете награда која го носи неговото име за нас има посебно значење. Неговото наследство не е само во талентот и хуморот туку и во тоа колку му значеа луѓето“.
Мет се присетил и на почетокот на снимањето на филмот кога не можел да ги задржи емоциите, гледајќи го Робин на сет.
„Кога ќе кажеа ‘акција’, солзите сами ми доаѓаа. Не можев да верувам дека го слушам него како ги изговара зборовите на кои работевме пет години“, рекол тој.
По сцената, Робин им пришол и рекол: „Ова не е случајност. Вие ова навистина успеавте да го направите“.
