Дербито меѓу Пари Сен Жермен и Лион донесе многу возбудувања, а тензиите не се смирија ни по последниот судиски свиреж. Дефанзивецот на ПСЖ, Ашраф Хакими, не беше задоволен од провокативната прослава на младиот бразилски талент Ендрик, кој својот прв гол во победата на Лион од 2:1 го прослави пред домашните навивачи, пишува „Goal“.
Ендрик беше клучен играч во победата на својот тим – најпрво го постигна водечкиот гол, а потоа асистираше и за 2:0. Овој резултат значително ја искомплицира ситуацијата на врвот на табелата во Ligue 1, бидејќи Ленс сега е само еден бод зад водечкиот ПСЖ, иако со одигран натпревар повеќе. Притисокот врз тимот на Луис Енрике расте и тие ќе мора брзо да ја пронајдат формата за да избегнат пад во финишот на сезоната.
Хакими за прославата на Ендрик
На Хакими не му пречеше самиот гол, туку танцот на 19-годишниот Ендрик пред париските навивачи, кој траеше речиси 15 секунди. Мароканскиот репрезентативец беше снимен како му се внесува в лице на тинејџерот по долгата прослава, а подоцна објасни зошто реагирал.
HOW DARE ENDRICK DANCE LIKE THIS AT THE PARC???!!!!
— 𝐏𝐒𝐆𝐈𝐍𝐓 (@PSGINT_) April 19, 2026
WE NEED TO MAKE THE COMEBACK THIS IS UNACCEPTABLEpic.twitter.com/p6XyZG892E
„Зошто му реков на Ендрик да се смири? Тоа се работи што се случуваат во жарот на борбата. Не треба да се занимаваме со противничките играчи. Сакав мојот тим да остане фокусиран и тој да престане со провокациите кон нашите навивачи“, изјави Хакими.
Хакими отиде чекор понатаму во својата оценка, порачувајќи му на Ендрик да се фокусира на својата игра, а не на провоцирање на противникот. Поранешниот играч на Реал Мадрид го призна неоспорниот талент на Ендрик, но смета дека прославата ја преминала границата на професионална почит.
„Треба да се држи до фудбалот, особено бидејќи е талентиран. Но кога прави работи што немаат врска со фудбалот, тоа може да ме изнервира, особено додека губиме“, објасни Хакими.
