Ѕвездата на серијата „Baywatch“ одамна се откажала од улогата на непроменлива русокоса. Во последната година ги менуваше фризурите речиси од сезона во сезона – од бакарна мулет-фризура на Париската модната недела, краток боб на Мет Гала, до најновиот платинест „блоуаут“ (blowout) инспириран од естетиката на седумдесеттите. Зад секоја промена се крие јасна намера: Андерсон самата одредува како ќе изгледа, без компромиси кон индустријата.

Голди Хоун од седумдесеттите

На доделувањето на „Fashion Trust U.S. Awards“ на 7 април, Андерсон ги заменила своите препознатливи романтични локни со волуменозна ретро-фризура со странични прамени и заоблени, впечатливи шишки, па многумина веднаш ја споредија со иконата на тоа десетлетие, Голди Хоун.

Со фризурата носела виолетово-сребрен фустан со набран долен дел и розова чантичка, а шминката, како што веќе ѝ стана навика, ја свела на минимум.

Година без запирање

Андерсон ја започнала 2025 година со класичен холивудски гламур на наградите САГ, во февруари носела шишки во стилот на нејзината хероина од „Baywatch“, Си Џеј Паркер, а до летото веќе имала ретро боб дризура во духот на педесеттите.

На Мет Гала во мај шокираше со краток боб со микро шишки, а во септември на Париската модна недела отишла чекор понатаму – ја заменила русата коса, која со децении ѝ беше заштитен знак, со огнено бакарен мулет, кој нејзиниот фризер Џон Ноле го опишал како почеток на ново поглавје.

Ниту шминка, ниту компромиси

Стилските промени на Андерсон не се само естетска игра. Инспирирана од скандинавски филмски икони како Гунел Линдблом и Биби Андерсон, бакарната трансформација ја избрала свесно, а на јавни настани веќе со години доаѓа без шминка. „Убавината е субјективна и не мораме да изгледаме како на насловните страници на списанијата“, рекла таа во поткастот „How to Fail“.