Ако често се соочуваме со надуеност, бавна дигестија или чувство на тежина по јадење, тоа може да биде знак дека на нашите црева им е потребна поддршка. Нутриционистите истакнуваат дека не е неопходно целосно да ја менуваме исхраната за да се чувствуваме подобро, туку доволно е да воведеме одредени намирници. Тие можат да помогнат во варењето, да ја поддржат рамнотежата на цревниот микробиом и со текот на времето да ги намалат воспаленијата. Советниците за исхрана издвојуваат три опции кои се одлични за здравјето на цревата и во борбата против надуеноста.
Чај од ѓумбир
Чајот од ѓумбир е познат по тоа што може да ја ублажи надуеноста и да ја поттикне дигестијата. „Гингеролот, биоактивно соединение во ѓумбирот, има антиинфламаторни и антиеметички својства. Чајот од ѓумбир може да го смири дигестивниот систем, да ги намали гасовите и надуеноста и да ја поттикне подвижноста на цревата“, вели диететичарката и нутриционистка Крутика Нанавати за „shefinds“. Таа додава дека, иако не е чудотворно решение за слабеење, неговата способност да ја подобри дигестијата може долгорочно да придонесе за намалување на масните наслаги во пределот на стомакот.
Јогурт
Јогуртот е богат со пробиотици како „lactobacillus“ и „bifidobacterium“, кои го поддржуваат здравјето на цревата. Лекарот д-р Шам Синг истакнува: „Јогуртот, богат со пробиотици како „lactobacillus“ и „bifidobacterium“, го поддржува когнитивното здравје преку поттикнување на балансиран цревен микробиом“.
Тој додава дека оваа рамнотежа е важна за намалување на воспаленијата и правилно функционирање на мозокот преку врската меѓу цревата и мозокот. Пробиотиците исто така помагаат во регулирањето на невротрансмитерите како серотонинот, кој е важен за расположението.
Диња
Дињата е освежувачко овошје со висок процент на вода кое може да помогне во дигестијата. Диететичарката Кетрин Џервасио вели: „Има висок удел на вода што придонесува за хидратација“. Таа нагласува дека правилната хидратација е важна за рамнотежата на електролитите и нормалното функционирање на клетките. Токму таа рамнотежа може да помогне во спречување на задржување вода и надуеност.
