Повеќето луѓе ја мијат косата еднаш или двапати неделно, а некои жени треба да го прават тоа почесто. Но, што ако периодот помеѓу миењата е подолг? Одговорот го даде козметологот и претставник на Американското здружение за козметологија, д-р Стивен Лајн.
Добро или лошо?
Докторот рекол дека немиењето на косата повеќе од една недела може да биде и добро и лошо во зависност од состојбата на скалпот и косата, и истакнал дека ќе забележите следново: „Количината на масло на косата се зголемила, бидејќи скалпот имал време да ги произведе овие природни масла. Тие можат да ја негуваат косата и да ѝ обезбедат влага, па затоа ќе изгледа посјајно и поздраво“. Како резултат на тоа, ќе забележите некои промени во текстурата на вашата коса, што може да биде благослов или проклетство, во зависност од вашиот тип коса.
Ако имате брановидна коса, прескокнувањето на миењето може да помогне бидејќи ќе ја зајакне природната текстура на вашата коса. Но, ако имате мрсна коса и скалп, натрупувањето на масло може да ги влоши работите, правејќи ја вашата коса да изгледа помрсна. Косата може да се скрши од многу причини, поради лош третман, исхрана, стрес и здравствени проблеми. Д-р Лајн истакнал дека честото миење на косата може да биде дополнителна причина.
Косата може и да опадне
„Ако не ја миете косата долго време, на неа и на скалпот ќе се насоберат масла, нечистотија и мртва кожа. Ова може да доведе до иритација на скалпот, што ќе чеша и ќе се лупи“, нагласил докторот, додавајќи дека може да дојде до прекумерно размножување на бактерии или габи ако скалпот е влажен и на него има остатоци од мртви клетки на кожата, што може да предизвика инфекции и непријатен мирис. Дури и опаѓањето на косата може да биде резултат на ретко миење.
