Колковите, струкот, рамената и рацете сега се во преден план, што е логично продолжение на трендот на нагласени колкови кој дизајнерите како Дуран Лантинк го претставиле за есен/зима 2025 и пролет/лето 2026 година. Оваа нова насока предизвика поделени реакции кај љубителите на модата, пишува „Who What Wear“.

Волумен на њујоршките писти

Дека овој неласкав тренд навистина завладеал, потврди и Њујоршката модната недела. Залди, костимографот на серијата „RuPaul’s Drag Race“, претстави волумен преку структурирани, кожни грејачи за нозе.

Неоспорно е и влијанието на Вивиен Вествуд врз силуетата, реинтерпретирано од брендови како „Колин Страда“. Зои Густавија Ана Вејлен, дизајнерка во подем позната по нејзиното ергономско обликување на материјалите, го претстави својот препознатлив корсет со асиметрични корпи.

На дебитантската ревија на брендот, „Showpony“, косата била искористена за да се создаде илузија на пополни колкови и бутови, слично на она што стилистот Крис Хоран го направи за „Charli XCX“.

Од традиционалните брендови како Келвин Клајн до новата полуфиналистка на наградата „LVMH, Lii“, костимите се преголеми и структурирани да не бидат припиени за телото.

Пркосење на идеалот за виткост

Овие креации се спротивставуваат на естетиката „помалку е повеќе“, а фактот дека дизајнерите се здружија за да ги претстават во време кога Оземпик го освојува Холивуд е особено значаен.

Сепак, модата ретко нуди совршен пристап кон инклузивноста. Постои еден очигледен аспект на овој тренд: тој е виден речиси исклучиво на екстремно слаби модели. Имало неколку исклучоци, како Јасмин Мун кај Зои Густавија Ана Вејлен, Арнел Слот кај Колин Страда и Девин Гарсија кај Кампиљо.

Се чини дека „старата гарда“ ги облекувала плус-сајз манекенките во многу елегантни, црни комбинации, додека манекенките со стандардна големина биле покриени со слоеви пердуви. Ова ги поставува можеби најважните прашања: Кому му е дозволено да изгледа поголем? И според чии правила?

Луксуз или лицемерие?

Додавањето волумен на телото може да се смета за желба на најбогатите да go прават она што е ретко. Историјата нè учи дека во време на глад, дебелината била луксуз, како и можноста да се менуваат пропорциите на телото по желба – особено по цена на парче облека од модната писта.

Дури и денес, брендот Скимс продава гаќички со додатоци на задникот и колковите, додека се шпекулира дека Ким Кардашијан ги отстранила имплантите. Гледано низ оваа призма, целиот тренд почнува да изгледа неискрено и лесно може да стане навредлив.