Долгата коса и раскошниот фустан ги замени со боб фризура со тенки шишки, проѕирен топ без ракави и широки фармерки, што поттикна поделени реакции на социјалните мрежи.

Ново издание како амбасадорка на „Chanel“

Присуството на Роби на ревијата на „Chanel“ не е изненадување, со оглед на тоа што е амбасадорка на тој бренд. Нејзиниот проѕирен топ е дел од најновата haute couture колекција на „Chanel“, а го комбинираше со широки сини фармерки и каки чантичка „Chanel 25“. Многу обожаватели ја пофалија нејзината трансформација.

„Величествена е“, напиша еден корисник. Други се согласија: „Марго Роби, останав без здив“ и „Премногу е убава за било кој прамен коса да ѝ го покрива лицето“. Сепак, не беа сите воодушевени, особено од фризурата. „Вака изгледав кога брат ми од шега ми ги исече шишките додека имавме осум и десет години“, стои во еден коментар, додека други додадоа: „Долгата коса ѝ стои подобро“ и „Фризурата ја прави постара“.

Критики поради наводно слабеење

Освен фризурата, многумина коментираа и дека наводно изгледа послабо. Некои изразија загриженост и го поврзаа нејзиниот изглед со трендовите во Холивуд. „Што ѝ е со лицето?“ и „Што се случува во Холивуд? Сите изгледаат слабо“, се запрашаа некои.

Други беа подиректни: „Целиот тој тренд на ‘скелет’ почнува да ја губи привлечноста. Навистина остаре во последните 13 месеци“. Се појавија и прашања како: „Зошто кожата на лицето ѝ изгледа пропаднато? Порано беше толку убава“, со заклучок: „Ете, Холивуд ја ‘дофати’“.

Некои претпоставија дека актерката користела инјекции за слабеење, додека други нејзиниот изглед го припишаа на строга диета и вежбање по породувањето.

Потсетник на претходните критики

Извор наведува дека Роби и претходно била мета на критики, но од спротивна причина — кога за време на бременоста наводно имала вишок килограми и стомак кој бил во прв план во секоја прилика.

Медиумите тогаш пренесуваа негативни коментари, а некои се прашуваа „колку Роби мора да биде незрела за да ѝ пречат коментарите од непознати луѓе“. Еден коментатор тогаш изјави: „Ако покажуваш гол стомак пред камерите, мораш да прифатиш и негативни коментари ако тоа некого го навредува“.