Една од омилените „џебни Венери“ и филмска слатка во последниве години е една од најмоќните жени во Холивуд, а тука е и „power dressing“, во кој Рис едноставно се истакнува.
Рис Витерспун во последните години е сè повеќе зад камерата и ужива во продуцентската работа, а деновиве ја претстави втората сезона од серијата „Последното нешто што ми го кажа“, во која Џенифер Гарнер ја игра главната улога.
Русокосата актерка, која нè навикна на елегантни изданија, пристигнала на настанот во Западен Холивуд во стил кој е истовремено силен, женствен и совршено усогласен со актуелните трендови.
Познатата актерка и продуцентка се одлучила за монохроматски бордо стил кој целосно се совпаѓа со актуелните трендови и есенско-зимската палета на бои.
Нејзиниот избор е софистициран сет во многу темна нијанса. Јакна со ревер, прецизно кроена, со нагласени рамена и чисти линии која зрачи со моќ, но целокупниот впечаток е суптилна елеганција. Посебен акцент е ставен на впечатливиот ремен во истата нијанса, со метални детали, кои го нагласуваа струкот и даваа дополнителна структура на минималистичката комбинација.
Долниот дел од комбинацијата се состои од миди-здолниште изработено од истиот материјал, кое паѓа под колената и придонесува за впечатокот на елеганција и дополнително ја издолжува фигурата со прав крој. Рис го комплетирала целиот стил со салонки во идентична нијанса, со тенка лента околу глуждот, со што се постигнува визуелен континуитет и дополнителна издолжена силуета.
Рис Витерспун останала верна на својот препознатлив стил, стилизирајќи ја својата руса коса во меки, гламурозни бранови кои паѓаат преку рамената, додека шминката е дискретна и ја нагласува нејзината природна убавина, блескав тен, малку нагласени очи и неутрална нијанса на кармин.
Серијата „Последното нешто што ми го кажа“, чија нова сезона пристигнува на 20 февруари на „Apple TV“, го следи продолжението на приказната за Хана Хол, толкувана од Џенифер Гарнер, и враќањето на нејзиниот сопруг Овен, игран од Николај Костер-Валдау, по повеќегодишно отсуство.
