Сочното мелено месо во ароматичен сос, покриено со стопен кашкавал, го прави овој оброк вистинско уживање за целото семејство.

Полнетите палачинки се идеални за ручек или вечера, а лесно можете да ги подготвите и однапред и да ги запечете непосредно пред сервирање.

Потребни состојки:

- 2 главици кромид
- 800 гр. мешано мелено месо
- 1 лажица пасиран домат
- 250 мл. вода
- 1 зеленчукова коцка за супа
- 200 гр. рендана гауда
- 1 лажица оригано
- сол и бибер по вкус

Подготовка:

Кромидот ситно исечкајте го и динстајте го на малку масло додека не стане стаклест. Додадете го меленото месо и пржете додека не добие кафеава боја. Готовото месо тргнете го на страна.

На малку масло динстајте кромид и оригано додека кромидот не омекне. Потоа додадете го пасираниот домат и добро промешајте. Додадете вода и зеленчукова коцка.

Гответе на тивок оган околу 10 минути. Сосот поделете го на два еднакви дела: во едниот дел измешајте го динстаното месо и додадете сол и бибер, а другиот дел од сосот оставете го на страна.

Палачинките испечете ги малку подебели од вообичаено и наполнете ги со подготвената смеса од мелено месо. Наредете ги во тава за печење и прелијте ги со преостанатиот сос. Одозгора посипете со рендана гауда.

Запечете ги палачинките во претходно загреана рерна на 200°C околу 20 минути. Пред сервирање, по желба, можете дополнително да ги украсите со зачини.

Со само неколку чекори ќе добиете сочни и ароматични палачинки што се топат во уста. Идеални се за семејството, пријателите или за посебни пригоди кога сакате брзо да подготвите вкусен оброк.