Новоотвореното надворешно лизгалиште во главниот град на Северна Кореја, Пјонгјанг, било преполно со лизгачи и санкачи, соопшти денеска (31 јануари) официјалната државна новинска агенција КЦНА.
На видеоснимката што ја достави КЦНА, а која Ројтерс не може независно да ја потврди, се гледа како Севернокорејци уживаат во лизгање, влечат санки и се фотографираат со пријателите и семејството.
North Korea Opens New Ice Rink in Pyongyang | Crowds Enjoy Skating in Rare Public Footage #NorthKorea #Pyongyang #IceRink #DPRK #WorldNews #Skating #PyongyangLife #NorthKoreaUpdate #SportsNews #AsiaNews #PublicFootage pic.twitter.com/0x5RCOzE9V
— Express News (@ExpressNewsPK) January 31, 2026
„Нашето лизгалиште секојдневно е преполно со посетители. Гледањето на постарите луѓе како тука си ја враќаат енергијата и децата како си играат околу мене, ми дава чувство на гордост и достоинство како волонтерка“, изјавила Чое Сонг Ми (36), волонтерка на лизгалиштето.
КЦНА наведе дека тренери се присутни за да ги учат почетниците да лизгаат и дека бројот на посетители расте од отворањето на објектот на 1 јануари, при што сега лизгалиштето секојдневно го посетуваат стотици луѓе.
