По возбудливата недела во Париз, каде што беа прикажани машките колекции за пролет и лето 2025, следеше Неделата на женската мода, а улиците на Градот на светлината беа преплавени со ѕвезди, меѓу кои и една од најголемите - Деми Мур.

Холивудската актерка присуствувала на ревијата на францускиот бренд „Schiaparelli“, каде што пристигнала во издание потпишано од глава до пети од Даниел Роузбери, креативниот директор на оваа куќа. Што значи дека изгледаше спектакуларно!

Анимален принт во полн сјај

Деми Мур, која го потресе светот минатата година со филмот „Substance“, пристигнала на модната ревија во елегантно издание, чиј клучен дел е секако палтото со животински принт, црно-бел пенлив модел со рамен крој што магнетски го привлекува погледот.

За дополнителен допир на елеганција тука е ефективниот црн раб, кој го нагласува контрастот и одлично се комбинира со црните панталони и ролката.

Чевли со клучалка, чанта со лице и едвај забележлива шапка

Деми носела и црни салонки, вистинско ремек-дело на истата модна куќа, структурирани украсени со метална клучалка, заштитен знак на овој бренд, како и црна крокодилска чанта со метални украси.

Сиот стајлинг го комплетирала со минијатурна шапка, со ист животински дезен како што има на палтото и црн врв.

Стилистот на Деми Мур знае што прави

Патем, Деми Мур долго време соработува со стилистот Бред Горески, кој веќе ја облече во истиот овој бренд на минатогодишниот Кански фестивал, а стилот на актерката навистина доживува ренесанса под неговата палка.

„Еден од најголемите подароци за мене минатата година беше што добивме шанса сите да видат колку е талентиран мојот стилист“, изјавила Деми неодамна.