Поранешната манекенка Хајди Клум има свои ритуали и рутина на нега на кожа од кои не отстапува.
Секојпат кога фотографиите на поранешната манекенка Хајди Клум ќе го обиколат светот, сите се воодушевени од нејзината линија, но и од нејзината беспрекорно негувана кожа.
Хајди голем дел од својот изглед го должи на здравата исхрана, на која многу внимава, но и на соодветната нега што ја спроведува.
Како што еднаш му открила на Берди, има еден чекор во негата на кожата што никогаш не го прескокнува.
„Ја вадам шминката. Секогаш сакам да бидам сигурна дека е отстранета за да можат порите да дишат навечер. Но, освен тоа, мислам дека храната е клучна. Храната, вежбањето и движењето“, изјавила Хајди Клум, објаснувајќи што смета дека е клучно за нејзиниот негуван изглед.
Во истата пригода, Хајди изјавила дека смета дека е многу важно да се движи кожата и дека верува во масажите.
„Се обидувам да го правам тоа еднаш неделно или еднаш на секои две недели. Не затоа што сум разгалена, а не и затоа што сакам да бидам хидрирана од глава до пети. Навистина е длабоко ткиво, бидејќи ги движите клетките под кожата. Активира сè. Сè станува малку црвено, па чувствувам дека се движи. Кислородот „оди“, крвта тече. Мислам дека е важно, ако можете да го направите тоа или ако имате пријател или партнер, можете сами да се масирате еден со друг“, вели Хајди.
Сепак, најдобриот совет за нега на кожата што го добила вклучува најмногу слушање на себеси.
„Мора да го пронајдеш она што ти одговара, бидејќи сите сме индивидуално толку различни. Секој мора да го пронајде својот пат и своите омилени работи што му одговараат. Сите имаме различна кожа: на некои им треба повеќе хидратација, други имаат многу мрсна кожа. Затоа мислам дека навистина треба да се бара правилниот начин“, вели таа.
