Дмитри Медведев, поранешен руски претседател и сегашен заменик-претседател на Советот за безбедност на Русија, го коментираше говорот на украинскиот претседател Володимир Зеленски на Светскиот економски форум во Давос.
„Навредите што Европејците ја добија во Давос од неблагодарна свиња за шверц на дрога, која ги навреди како слаби и скржави, требаше да заврши со шлаканица во лицето. Но, ова не е првпат немоќната ЕУ да биде плукната во лицето – прво од нивните американски господари, а сега од нивниот ретардиран посинок“, рече Медведев на Икс.
Зеленски остро ги критикуваше европските лидери во Давос, обвинувајќи ги дека размислуваат само за Гренланд и чекаат насоки од Доналд Трамп, наместо сами да преземат мерки за Украина и другите геополитички кризи.
The tongue lashing the Euros took in Davos from the ungrateful narco-swine, who berated them as weak and stingy, should’ve ended in a spanking. But it isn’t the 1st time the EU impotents have had their faces spat in – first, from their US masters, and now their retarded stepson. pic.twitter.com/DVTjL5ws1m
— Dmitry Medvedev (@MedvedevRussiaE) January 24, 2026
Тој тврдеше дека Европа зборува премногу, а дејствува премалку, споредувајќи го европското однесување со комедијата „Бескраен ден“, односно бесконечното повторување на истите дискусии без никаков конкретен напредок.
„Само минатата година тука во Давос, го завршив мојот говор со зборовите: „Европа мора да знае како да се одбрани“ – помина една година и ништо не се промени“, рече Зеленски, додавајќи дека европските политичари повторно се чини дека чекаат некој друг да ги реши работите наместо нив.
Тој, исто така, ги критикуваше симболичните потези што, според него, се нудат како одговор на геополитичките превирања. Реторички се осврна на идејата за испраќање мал број војници во Гренланд. „Испраќање 14 или 40 војници во Гренланд – што треба да се постигне со тоа? Каква порака испраќа до Путин? Кина? И можеби, најважно, каква порака испраќа до Данска?“, рече тој.
