Преку програмата Erasmus+, Европската Унија континуирано инвестира во образованието, мобилноста и личниот развој на младите од нашата земја, овозможувајќи им пристап до современи образовни системи и академски средини низ цела Европа.
До денес, над 34.000 млади луѓе од земјата имале можност да студираат, да посетуваат обуки или да учествуваат во академски размени во земјите-членки на Европската Унија. Преку овие искуства, студентите се запознаваат со различни образовни методи, нови технологии и иновативни пристапи во наставата, со што значително се подобрува квалитетот на нивното образование.
Видеото можете да го погледнете ТУКА.
Покрај академските вештини, Erasmus+ им овозможува на студентите да стекнат практични знаења, интеркултурна поврзаност и меѓународни искуства, кои се клучни за нивниот професионален развој и конкурентност на пазарот на труд. Програмата придонесува кон создавање млади, самоуверени и отворени генерации, подготвени активно да придонесуваат за развојот на македонското општество.
Erasmus+ претставува важен мост меѓу земјава и Европската Унија, вложувајќи во знаењето како темел на европската иднина на младите.
