Нивниот изглед, енергија и самодоверба ги прават дупло помлади. Како е можно на 60 години да делуваат повитално, позатегнато и похаризматично од кога и да е?

Одговорот не е во една тајна крема ниту во еден волшебен третман туку во комбинацијата на дисциплина, знаење и можеби најважното, промената на односот кон себе.

1. Здравјето пред естетиката

Сите овие жени низ годините нагласуваат дека здравјето е основа на убавината. Редовната физичка активност (сила, флексибилност, кардио), квалитетниот сон и контролираниот стрес имаат поголемо влијание од било кој естетски зафат. Телото кое е моќно и функционално, природно изгледа помладо.

2. Исхрана како долгорочна инвестиција

Нема ригорозни диети, но има конзистентност: балансирани оброци, многу протеини, зеленчук, здрави масти и минимално индустриски преработена храна. Таквиот пристап не дава „брзи резултати“, но гради изглед којшто трае со децении.

3. Паметна нега, не претерување

Наместо агресивни интервенции, овие жени бираат умерени, персонализирани третмани и квалитетна секојдневна нега. Целта не е да имаат „замрзнато лице“ туку зачувана свежина. Кожата која се негува долгорочно со иста мера се враќа.

4. Самодоверба како најмоќен „анти-ејџинг“

Можеби и најважниот фактор. Со годините доаѓа сигурноста во сопствениот идентитет. Нема потреба за докажување, споредување или криење. Таквата енергија се гледа пред сите брчки кои ги имате.

5. Промена на наративот за стареење

Тие не се обидуваат да изгледаат како да имаат 30 туку на најдобар можен начин да изгледаат во своите години. Токму таа промена на перспективата ги прави такви какви што се. Стареењето не е пораз туку привилегија и предност.

Хали Бери, Џенет Џексон, Селма Хаек и Синди Крафорд не се исклучок затоа што се славни туку затоа што се доследни.

Нивниот изглед е резултат на долгогодишните навики, а не краткорочните трикови. Тие докажуваат дека годините можат да бидат сојузник доколку им пристапиме паметно.