[ВИДЕО] Бизарна сцена во Белата куќа: Американската министеркa му се заблагодари на Трамп што ги „избркал“ ураганите, „Х“ преплавен со шеги

Поранешната гувернерка на Јужна Дакота, за време на средбата со Трамп и останатите министри, му се заблагодари на американскиот претседател за тоа што — ги избркал ураганите.

„Го преживеавте периодот од годината кога има многу урагани, а немаше ниту еден. Вие ги избркавте ураганите и го цениме тоа“, рече Ноем.

Периодот од годината помеѓу 1 јуни и 30 ноември во Северна Америка е познат како „период на атлантските урагани“ (Atlantic hurricane season), а во 2026 година, за првпат од 2015 наваму, во тој период не беше забележан ниту еден ураган.

Сепак, ураганот Мелиса во истиот временски период ги погоди Карибите и делови од Централна Америка, при што загинаа 106 лица.

Овој бизарен говор на Ноем предизвика бројни шеги и саркастични коментари на социјалните мрежи, а корисниците на „X“ го споредија моментот со Северна Кореја, велејќи дека министерката настапила како пропагандна водителка на државна телевизија на оваа држава.

„Ова не е кабинет, ова е култ“, „Тоа е затоа што ја заменија апликацијата за време на Бајден со апликацијата за време на Трамп. Сега има само сонце и виножита“, „Ова е скеч на SNL, така?“, „Дури и нивните шеги не се вистински шеги“, се дел од коментарите на „Х“.