Според сознанијата до кои дојде „КОД“, со години се случувало документацијата за верификација на мерни инструменти на приватни компании да не биде заведувана во службената архива. Ова го потврдува и актуелниот директор на Бирото, Седад Рушани, кој тврди дека имало случаи контролорите да ги кријат предметите во свои фиоки – наместо тие да бидат службено евидентирани.

[Седад Рушани, директор на Бирото за метрологија]

Соговорници на „КОД“ тврдат дека ваквата пракса не е целосно искоренета. Иако новиот директор уверува дека тој модус операнди е сопрен и дека сите предмети се чуваат централизирано за да не дојде до криење на документи. Со ваквото криење, парите кои требало да ги добие државата завршуваат во туѓи приватни џебови и како мито. Истражувањето било поттикнато од кривична пријава против компанија и вработен во Бирото поради погрешна верификација на резервоар за нафтени деривати.

[Документи кои никогаш не биле заверени во архивата на Бирото]

Екипата на „КОД“ при посетата го забележа и комбето со подвижната лабораторија – скапа опрема вредна над еден милион евра. Наместо да се користи на терен, комбето сега стои паркирано, а лабораторијата се користи како статична во просториите на Бирото.

[Комбето на Бирото за метрологија, паркирано во подзмениот паркинг во зградата на Бирото]

Јавните набавки – хронична слабост на системот

И најновиот извештај на Европската комисија повторно укажува на старите проблеми во системот за јавни набавки, кои, според експертите, се провлекуваат со години. И покрај законските измени, злоупотребите продолжуваат, а ризиците остануваат високи.

Сабина Факиќ од Центарот за граѓански комуникации  зборува за тоа кои се најголемите ризици и во која област најмногу се злоупотребени јавните набавки.

Во продолжение, погледнете ја целата емисија: