Мис Јамајка, Габриел Хенри, е хоспитализирана трет ден откако падна од сцената за време на прелиминарната рунда на изборот за Мис Универзум.
Имено, таа одеше во високи потпетици, пропушти чекор и падна од сцената. После тоа, ја изнесоа на носилка.
Како што потврдија организаторите на изборот за Мис Универзум, Хенри не се чувствува добро и сè уште е на лекување.
Поради нејзината состојба, лекарите изјавија дека таа ќе мора да остане на интензивна нега најмалку седум дена додека лекарите продолжуваат да ја следат нејзината состојба.
Мис Универзум ги замоли сите да продолжат да се молат за Габриел во овој тежок период за неа.
„Ја молиме јавноста да избегнува споделување негативни коментари, шпекулации или дезинформации што би можеле да го доведат семејството во понатамошна неволја. Нашиот примарен фокус останува на нејзиното закрепнување и благосостојбата на нејзиното семејство“, рекоа тие.
