Поставување на рекордите

Да се вратиме накратко во историјата. На 20 октомври 1965 година, основачот Карло Абарт постави светски рекорди на четвртина милја и на 500 метри со специјалниот болид "Abarth 1000 Monoposto Record". Овој едносед се темелеше на тогашниот болид од Формула 2 и беше опремен со мотор од 982 ccm, кој развиваше 105 коњски сили при 8.800 вртежи во минута. Тежеше само 500 килограми, а за да си овозможи најдобри шанси за рекорд, самиот Карло Абарт пред обидот ослабел околу 30 килограми.

Возејќи на патеката "Autodromo Nazionale Monza", Абарт ги постави рекордите на четвртина милја и 500 метри со времиња од 13,62 секунди, односно 15,38 секунди – во категоријата Г, според работната зафатнина. Веднаш потоа во автомобилот беше вграден посилен 2,0-литарски мотор со 216 коњски сили, па веќе следниот ден беа соборени нови рекорди: 11,55 секунди на четвртина милја и 13,37 секунди на 500 метри – овојпат во Е-класа.

Денес, овој историски автомобил е дел од музејот "Heritage Hub" во Торино, а љубителите на "Abarth" можат да му оддадат почит преку новиот часовник – иако мора да се каже дека сличностите меѓу автомобилот и часовникот се прилично ограничени.

Што го прави овој часовник посебен?

"Breil Abarth 1000" се истакнува со црно куќиште од не’рѓосувачки челик во комбинација со ковани и класични јаглеродни влакна. Копчињата "Start" и "Stop" се поставени на позициите 2 и 4 часот. Часовникот има скелетонизирани сказалки од IP-литиум со светлечки премаз.

Предната страна е изработена од висококвалитетно сафирно стакло, а на задниот капак е впишан серискиот број и натписот:

„1965 – 2025, Abarth 1000, 60 anni di storia.“

Иако вистинските ентузијасти веројатно би се воодушевиле повеќе од лимитирана серија автомобили, овој часовник претставува елегантен и достапен начин да се прослави еден од најзначајните моменти во историјата на брендот со знакот на скорпија.