Цената на прасињата во Македонија последниве недели е во пад, додека кај јагнињата се бележат забележливи осцилации – нешто што повторно ја разоткрива нестабилноста на пазарот со месо и сточни производи.
Според податоците од терен, разликите во цените се движат во зависност од регионите и понудата, но генерално, како што велат експертите, нема драстични промени во однос на минатиот месец.
Сепак, производителите велат дека пазарот е „нервозен“, особено пред празничниот период кога побарувачката расте, а цените често реагираат и на најмалиот сигнал.
Познавачите објаснуваат дека иако цените варираат, трендот не покажува големи отстапувања.
„Во април и мај килограм жива мера кај свињите беше околу 180 денари, а сега, и покрај колебањата, не се оди многу надолу. Она што е важно е дека се намалува потрошувачката на свинско месо по глава на жител – пилешкото веќе го зазема неговото место“, велат експертите.
Проблемот, сепак, не е само во навиките на потрошувачите. Африканската свинска чума, која повеќе од година дена создава главоболки на сточарите, и натаму е активна во регионот.
Болеста го намали бројот на грла, а со тоа го наруши и целиот ланец на снабдување.
„Кога една фарма ќе се затвори, тоа не влијае само на неа. Се менува понудата, а со тоа и цената. Во источниот дел на земјата цените се нешто повисоки отколку во Пелагонија или во Полошкиот регион – зависи од тоа колку има во понуда и колку се бара“, велат упатените.
Јагнешкото месо, како што посочуваат, останува во рамки на екстензивно производство, односно сè уште не постои масовно, индустриско одгледување.
„Имаме добра традиција, но тоа не е доволно ако сакаме стабилен пазар. Производството на свињи и живина е поинтензивно и поконкурентно. Но, кога станува збор за јагне, тоа е повеќе сезонска приказна“, велат нашите соговорници.
Целосниот текст прочитајте го на следниот ЛИНК.
Денес
