Иако ниедна врска не е совршена, постојат одредени особини што јасно ставаат до знаење дека долгата и стабилна врска можеби не е реална цел. Препознавањето на овие особини може да нѝ помогне да избегнеме разочарувања и да го зачуваме сопственото емоционално здравје. Според различни експерти за врски, ова се некои од особините што откриваат дека партнерот не е идеален избор за долга и сериозна врска.

Недостаток на одговорност

Ако вашиот партнер постојано избегнува обврски и не презема одговорност за своите постапки, тешко е да се изгради стабилна врска. Одбивањето да се соочи со последиците од сопствените одлуки е знак на незрелост и неспособност за изградба на сериозна врска.

Избегнување комуникација

Здравата врска се заснова на отворена комуникација, а партнерот кој постојано избегнува комуникација или се повлекува при првиот знак на проблем покажува дека не е подготвен да се соочи со предизвици. Без искрен дијалог, довербата и интимноста врската тешко може да опстане.

Себичност

Кога партнерот постојано ги става своите потреби пред заедничките потреби и ги игнорира желбите и чувствата на другата личност, тоа е знак дека не гради партнерство, туку еднострана врска. На долг рок себичноста ја уништува рамнотежата и поддршката во врската.

Неможност за компромис

Секоја сериозна врска бара приспособување и подготвеност за компромис. Партнер кој секогаш инсистира на сопствената гледна точка и не покажува подготвеност за соработка, јасно покажува дека за него е поважно да има контрола отколку да гради заедништво.

Доколку ги препознаеме овие особини на време, ќе нѝ биде полесно да донесеме одлука дали вреди да вложуваме напор во таква врска или да бараме врска што ќе обезбеди стабилност и меѓусебно почитување.