Археолозите на југот на Холандија открија остатоци од воен штаб од времето на Римското царство за време на изградба на делница на автопат наменета за автобуси, пренесуваат денес холандските медиуми.
„Ова е навистина посебно откритие. Фактот дека пронајдовме недопрени делови од објектот го прави ова откритие единствено', изјави археологот Дамијен Дуивенворден, пренесе сајтот „Nos“.
Археолозите го пронашле воениот штаб пред неколку недели, долж „Лимес“ – северната граница на Римското царство, која поминувала преку територијата на денешна Холандија. Откриени се греди од темелите на седиштето на римскиот воен логор, наречено Принципиа.
Според експертите, дебелите греди се во одлична состојба благодарение на отсуството на кислород во почвата.
Archeologen hebben bij onderzoek van het in 2020 en 2021 in #Valkenburg ontdekte Romeinse #legioenskamp sporen van het hoofdgebouw van het fort gevonden. Het gaat om paalsporen van dit ‘#principia’.https://t.co/4AFe9iP8AI
— De Archeoloog (@DeArcheoloog) August 29, 2025
„Ова било важно место во логорот на легионерите. Тука римскиот командант се среќавал со своите високи офицери. Штабот имал и религиозна функција, а тука се чувале златото и воените знамиња', објасни Дуивенворден.
Археолозите не пронашле траги дека во штабот се одвивал живот, па се претпоставува дека објектот бил користен само кратко време.
Истражувачите наведуваат дека постои теорија оти ова било место за собирање на 6.000 војници пред нападот на тогашна Британија.
