„Сајбер партизани“ наводно ја хакирале руската телевизија и емитувале снимки кои откриваат детали од фронтот во Украина, како и некои за внатрешната ситуација во земјата, изјавил извор од украинската воена разузнавачка служба (ХУР) за Киев Индепендент“.
Видеото кое ја прикажува кризата со горивото во Русија, недостигот на вода во окупираните делови од регионот Донецк, украинските напади врз рафинериите за нафта и воените загуби на Русија, наводно било емитувано истовремено на 116 телевизиски канали на Денот на независноста на Украина.
During evening primetime on August 24, cyber experts hacked a Russian TV provider, showing a video about Russian army losses in Ukraine and gasoline shortages, an informed source told hromadske. pic.twitter.com/e41HXoS4FK
— Hromadske Int. (@Hromadske) August 25, 2025
Прекинато емитување на руските телевизии
„Поминаа три и пол години војна, а рускиот претседател Владимир Путин не освои целосно ниту еден украински регион. Украина останува независна“ се наведува во видеото.
Изворот на „Киев Индепендент“ тврди дека „локалните сајбер партизани“ исто така го блокирале пристапот на администраторите на провајдерот, што им го отежнало прекинувањето на емитувањето на оваа содржина.
On Aug 24, Russian TV in several regions was hacked, airing a video exposing the true losses of the Russian army in the Ukraine war and other "achievements" of the aggressor state, says a source from Ukraine's Intelligence Directorate to Ukrainiska Pravda. Cyber partisans… pic.twitter.com/QC01ptSJCm
— Iuliia Mendel (@IuliiaMendel) August 25, 2025
Се вели дека најмалку 50.000 гледачи во Москва и другите руски региони го виделе видеото кое траело повеќе од три часа. Преносот се појавил и на апликации преку „Apple Store“, „Google Play, Smart TV и други кабелски мрежи.
Хакерите често извршуваат напади
Украинските хакери редовно напаѓаат и руски онлајн платформи откако Русија ја започна својата инвазија на Украина во 2022 година.
Во јули, сајбер експертите од ХУР наводно извршија голем сајбернапад врз мрежната инфраструктура на рускиот енергетски гигант Газпром, предизвикувајќи значителни нарушувања.
