Ова нарушување претходно било забележано кај одреден вид риби, но никогаш не било документирано кај „Chondrichthyes“, групата на која припаѓаат ајкулите и ражите, пренесува „Daily Mail“.

Ајкулата покажала и албинизам

Покрај најверојатното нарушување (ова нарушување вообичаено е генетски, но може да биде поврзано и со исхраната), ајкулата покажала и албинизам, што ги објаснува нејзините впечатливи бели очи.

Ајкулите вообичаено имаат светла или темна кафеава кожа, што им помага да се „стопат“ со гребените и карпестото морско дно, каде поминуваат поголем дел од времето во потрага по храна.

„Откривањето на портокаловите ајкули отвора важни прашања за генетиката на овој вид. Дали ова е единствен случај или нов генетски тренд во нивната популација?“, велат истражувачите.

Ретко генетско нарушување

Врз основа на големината на морскиот предатор, научниците од Универзитетот Рио Гранде заклучуваат дека необичната пигментација не влијаела на неговото преживување.

Спомнатото генетско нарушување се смета за исклучително ретко во животинскиот свет. Забележано е кај неколку видови риби, рептили и птици, но во ограничен обем.

Одредени птици, како папагалите, можат да имаат „златни пердуви“, додека спорадичните случаи кај рептилите ги опишуваат необично жолтите змии или гуштери.