Станот се наоѓа во луксузен комплекс веднаш покрај брегот, а интересно е што негов сосед е американскиот рапер Кендрик Ламар. Ширан и неговата сопруга Черри Сиборн, со која е во брак од 2019 година и со која има две ќерки – Лира (4) и Јупитер (2), веќе некое време изнајмувале стан во истата зграда, за кој месечно плаќале вртоглави 25 илјади фунти.

Станот го платил во готово

Купувањето на новата недвижност било спроведено преку посебна компанија која ја основале Ед и Черри, а според документите од Њујорк, трансакцијата била извршена без подигање на кредит – станот го купиле во готовина. На тој начин добиле и одредени даночни олеснувања, особено ако еден ден решат да ја продадат недвижноста.

Станот се простира на околу 315 квадратни метри и нуди луксуз кој вклучува две теретани, 24-часовна рецепција и гаража со полначи за електрични возила.

Сопственик е на најмалку 27 недвижности во Велика Британија

Ова не е ниту првата, ниту единствената недвижност во сопственост на славниот музичар. Во Велика Британија поседува најмалку 27 недвижности, вклучувајќи раскошна куќа во „Notting Hill“ вредна 20 милиони фунти, како и станови во елитни делови на Лондон како „Covent Garden“, „Holland Park“ и „Whitechapel“.

Во „Holland Park“, Ед има дури пет недвижности со вкупна вредност од 31 милион фунти, а во близина на „Battersea Dogs and Cats Home“ поседува уште два стана. Тука се и четири стана во „Covent Garden“, како и пет апартмани во „Wiverton Tower“ во „Whitechapel“. Само овие недвижности заедно вредат повеќе од 45 милиони фунти.

Ед е сопственик и на популарниот лондонски ресторан „Bertie Blossoms“ на „Portobello Road“, а надвор од градот има и вила во Италија со сопствени лозја, како и голем имот во „Suffolk“, кое локалците го нарекуваат „Sheeranville“.

Во родниот „Framlingham“ во „Suffolk“, каде што се пресели во 2012 година во стара селска куќа, Ед оттогаш има откупено уште четири околни недвижности, создавајќи свој приватен имот.

Постои гласина дека некои од лондонските недвижности ги купил токму за да избегне поплаки од соседи поради бучави од приватни забави.