Холивудската актерка Гвинет Палтроу неодамна откри детали за нејзината врска со Бред Пит.
Имено, актерката сподели детали што фрлаат светлина врз нивното раскинување во нејзината неодамна објавена биографија „Гвинет: Биографијата“ од авторката Ејми Одел.
Авторката Ејми Одел изјавила дека тие биле еден од најзначајните парови од 1990-тите бидејќи двајцата биле „прекрасни и гламурозни, а некое време дури имале и иста фризура“.
Двајцата првпат се запознале во 1993 година, кога Палтроу се пријавила на аудиција за романтичниот вестерн „Легенди на есента“. Таа не ја добила улогата, но се разгореле искри и Пит подоцна ја предложил за улогата на неговата сопруга во трилерот „Se7en“ од 1995 година.
Во тоа време, на Палтроу ѝ беше понудена и улога во филмот „Чувствувајќи ја Минесота“ заедно со Кијану Ривс. Несигурна која да ја прифати, таа се консултирала со пријателка која ѝ рекла: „Па, со кого сакаш да излегуваш – со Бред Пит или со Кијану Ривс?“ Гвинет го избра филмот „Se7en“ и Пит, додека Камерон Дијаз ја прифати улогата во „Чувствувајќи ја Минесота“.
По две години врска, Палтроу и Пит се свршија во Аргентина во декември 1996 година.
„Нејзиниот татко го сакаше Бред. Нејзините пријатели го сакаа Бред. Мислеа дека е најљубезниот човек. Сепак, Гвинет изрази сомнежи пред член на екипата за време на снимањето на „Ема“ дека Пит е вистинскиот за неа и призна дека била вљубена во Хју Грант“, се наведува во биографијата.
Палтроу претходно призна дека Пит бил одгледан во религиозна средина, различна од нејзиниот свет, и дека таа сметала дека тој „не е доволно софистициран за неа“.
„Таа мислеше дека е попаметна, пообразована, пософистицирана“, вели Одел.
Биографијата, исто така, раскажува за интервју што Палтроу еднаш го дала за јазот меѓу нивните светови.
„Бред и јас имаме многу различно воспитување. Па кога одиме во ресторани и нарачуваме кавијар, морам да му кажам на Бред: „Ова е белуга, а ова осетра““, рече еднаш актерката.
