Тој прогласи победа над поранешниот гувернер Ендру М. Куомо (67) и останатите, во трката одлучена со гласање со рангиран избор.

Мамдани го презеде водството по првиот круг гласање во вторник, а Куомо му честиташе за победата.

Конечните резултати се очекуваат следната недела, бидејќи гласовите на кандидатите со најмала поддршка ќе бидат прераспределени сè додека еден не го надмине прагот од 50 проценти и не биде прогласен за победник.

Но, Мамдани, кој би можел да стане првиот муслимански градоначалник на Њујорк, веќе предизвика бран прослави меѓу поддржувачите во вторник вечерта, пренесе „Вашингтон пост“.

Кој е Мамдани?

Прогресивната агенда и поддршката на Сандерс и AOC

Мамдани, кој се идентификува како демократски социјалист, има поддршка од сенаторот Берни Сандерс и конгресменка Александра Окасио-Кортез.

Тој се залага за замрзнување на киријата за заштитени станари, бесплатен јавен превоз, јавна градинка и градска мрежа на продавници за храна низ целиот град.

Тој, исто така, предлага зголемување на минималната плата на 30 долари до 2030 година, заедно со зголемување на корпоративните даноци и воведување дополнителен данок за милионерите.

Харизма без долг политички стаж

Неговиот подем беше поттикнат од силна кампања на социјалните мрежи. Видеата во кои тој ги објаснува своите политики станаа вирални.

Мамдани ја финансирал својата кампања исклучиво со мали донации и истакна дека милијардерите се обидуваат да ги „купат изборите“, додека Куомо возврати дека Мамдани нема доволно искуство и се потсмеваше на неговиот краток список закони.

Контроверзни изјави

Мамдани ги критикуваше нападите на Израел врз Газа и предизвика контроверзии кога одби да го осуди слоганот „Глобализација на Интифадата“, што некои го сметаат за повик за насилство. Тој рече дека фразата ја одразува „очајната желба за рамноправност и права за Палестинците“.

Куомо ја нарече изјавата поттикнување на „омраза и убиства“.

Поддршка од познати имиња

Неговата кампања ја поддржаа Сандерс, Окасио-Кортез, организацијата „Our Revolution“ и познати личности како што се актерката Емили Ратајковски и комичарот Бовен Јанг. Окасио-Кортез рече дека „младите луѓе мора да ја спасат оваа земја“.

Лична приказна

Мамдани е роден е во Уганда, а преселил во Њујорк на 7-годишна возраст.

Станал американски државјанин во 2018 година. Пред да се вклучи во политиката, работел како адвокат за заштита од заплена. На колеџот „Боудоин“ студирал африкански студии и го основал огранокот „Студенти за правда во Палестина“ (Students for Justice in Palestine).