Без оглед на тоа дали верувате во духови или не, постојат одредени места на кои во минатото се случиле страшни работи и кои како и натаму да ја носат таа иста енергија во воздухот.
Меѓу фаворитите за истражувачите на паранормални работи се наоѓа малиот остров на крајбрежјето во Италија со име Повеља кој низ историјата бил место на патење и смрт.
Островот се наоѓа во североисточниот дел на Италија, меѓу Венеција и Лид, а властите би можеле да ве запрат доколку се обидете да му пријдете.
Повеља кон крајот на 18 век бил користен како карантин за жртвите од чума, а потоа во 20 век станал психијатриска болница.
Островот бил напуштен откако болницата се затворила во 60-тите години на минатиот век, оставајќи зад себе пусто подрачје и репутација на место на кое многумина го загубиле животот, пишува „LADbible“.
Според податоците на „National Geographic“ на островот починале околу 100.000 жртви на чума. Поради тоа што островот е напуштен веќе шест децении, природата почнала да ги презема објектите во Повеља, па сите потенцијални истражувачи ризикуваат сериозни повреди.
Доколку некому му треба помош, властите мора да испратат луѓе со брод или хеликоптер, под услов луѓето на островот да бидат во состојба да побараат помош.
Ирскиот јутјубер Дара Тах и неговиот пријател Мет отпатувале до Повеља, откако се скриле зад ѕид за полицијата да не ги воочи, па тргнале кон истражувањето.
Двојката била видно вознемирена од напуштениот остров, каде има рушени згради кои ги покрива природата, додека пак некои од ретките траги на живот се графитите на ѕидовите од рушевините.
Потоа паднала ноќта, па тие извадиле опрема за откривање духови, иако Дара признал дека е скептичен во врска со идејата за средба со натприродни суштества.
Следејќи го терминалниот уред, тргнале кон камбанаријата на островот за која се смета дека е особено проклета, а Дара коментирал дека му било чудно што уредот веднаш ги насочил таму.
Имале проблем да ги одржат уредите вклучени, додека чувствувале сѐ поголема непријатност, па трепкавите светла ги изневериле.
Дара тогаш одлучил да се обиде да стапи во контакт со духовите, во кои всушност не верува. Тој и Мет снимиле неколку зборови со помош на уредот, а подоцна нивен италијански пријател им превел дека значат „оди/патувај“.
Дара тоа го протолкувал како порака од духовите дека треба да си одат. Исто така нивниот италијански преведувач го слушнал и зборот „експлозив“ и набрзо потоа се исплашил затоа што на аеродром првпат темелно го проверувале дали носи експлозив.
