Пејачката и актерка објави трејлер за мјузиклот, а во некои сцени изгледа речиси непрепознатливо. Имено за потребите на филмот кафеавата коса делумно ја заменила со руса.

„Изгледа неверојатно со русата перика“, „Џеј Ло ќе оди на Оскарите“, „Конечно ќе добие номинација за Оскар“, „Ова изгледа неверојатно“, „Едвај чекам да го видам филмот, Џеј Ло изгледа и звучи неверојатно“, беа само дел од коментарите под трејлерот.

За што се работи во филмот?

„Kiss of the Spider Woman“ е американска музичка драма од 2025 година, режирана од Бил Кондон. Филмот премиерно беше прикажан на Филмскиот фестивал „Санденс“ на 26 јануари 2025 година и доби генерално позитивни критики, додека во кината ќе пристигне во октомври.

Дејството се одвива во аргентински затвор во 80-тите години за време на воената диктатура. Луис Молина (Тонатиу Елизарараз), геј фризер, отслужува осумгодишна казна затвор за непристојно однесување.

За да ги избегне ужасите на затворот, Молина замислува филмови со филмската актерка Ингрид Луна (Џенифер Лопез), која е исто така жена-пајак и го убива својот плен со бакнеж. Животот на Молина се превртува наопаку кога марксистот Валентин Ареги Паз (Диего Луна) е донесен во неговата ќелија, а двајцата формираат неверојатен однос.