Иако меѓу нив постои разлика во возраста од речиси 30 години, Фрај рече дека токму таа генерациска разлика станала предност во нивната врска. „Елиот ме запознава со сосема нови работи. Тој ме учеше за музиката, ме запозна со Кендрик Ламар, кого сега го сметам за вистински поетски дух, исклучителен уметник. А сега навистина ќе ве насмеам, тој ме запозна и со светот на борењето“, призна Фрај, додавајќи дека купил билети за натпревар во борење во Лас Вегас.

Прозборе за нивната динамика и дневната рутина

„Јас сум енергичен и зборлив наутро, додека тој е потивок. Морав да научам како да се смирам, а тој се обидуваше да не ми вика“, рече актерот. Тој ја наведе веселоста како клуч за среќна врска. „Кога сте во присуство на весела личност, сè е полесно. Тоа е како да носат свое сонце со себе“, додаде тој.

Иако ретко се појавуваат заедно во последните години, во јануари Фрај објави црно-бела фотографија од нивната венчавка со опис: „Десет среќни години брак. Јас сум среќен човек“.

Фрај се присети и на својата прва љубов, кога како тинејџер сфатил дека му се допаѓаат лица од ист пол: „Бев опседнат со едно момче во училиште. Мислев дека е некаква болест, па поминував часови во библиотеките барајќи објаснување. Така открив дека се работело за љубов“, раскажа актерот.

Се запознале во 2012 година

Инаку, Фрај и Спенсер се во брак од 2015 година. Се запознале во 2012 година на забава на заеднички пријател, а само неколку недели откако Стивен му предложил брак на Елиот, двојката се венчала на интимна церемонија во Норфолк.