Идрис (90) од Хрватска говореше во анкета на порталот Mirovina.hr, каде што ја спомена својата сопруга која е почината и со тоа приказната за нивната 63-годишна љубов трогна многумина во регионот.
На социјалните мрежи се споделува клип од анкетата на порталот „Mirovina.hr“, во која првично пензионерите беа испитувани за тоа која актерка од нивната младост ја сметаат за најубава.
Имено, додека пензионерот Идрис првобитно одговорил дека Брижит Бардо ја смета за најубава актерка, подоцна се осврнал на својата сопруга.
„А уште поубава од неа е мојата покојна сопруга, сега баш доаѓам од Мирогој – бев кај неа. Таа почина пред една година. Па сè уште сум ожалостен и така“, рекол Идрис, по што го совладале емоциите и се борел со солзите.
Тој признал дека му е тешко и додал: „Знаете што, велат дека идеално не постои – ако постои идеално, тогаш јас имав идеален брак. 63 години заеднички живот, од ништо успеавме да стекнеме сè“.
Под објавеното видео се нижеле пораки од корисници кои биле трогнати од приказната на Идрис и пишувале дека дури и плачеле.
Во описот на видеото од порталот „Mirovina.hr“, тие порачаа: „Господинот Идрис ни покажа дека љубовта е најважната работа“.
