Славната двојка присуствувала на важниот натпревар кој заврши со победа на Вре над Чарлтон од 3:0, што му обезбеди на клубот промоција во Чемпионшип, втората лига во Велика Британија.

Прослава на трибините

Блејк Лајвли (37) и Рајан Рејнолдс (48) не ја криеја својата наклонетост и приврзаност додека заедно со другите навивачи го славеа историскиот успех на клубот. Парот е забележан како се гушкаат и се бакнуваат на трибините, покажувајќи колку емотивно се поврзани со клубот. Рејнолдс, кој го купи клубот во 2021 година заедно со Роб Мекелхени, креаторот на серијата „It’s Always Sunny in Philadelphia“, бил особено воодушевен од овој успех.

Блејк за оваа пригода се одлучила за удобна карирана кошула со долги ракави, додека Рејнолдс носел лежерна бела маичка со сива кошула. Актерката е видена како скока од радост на трибините, споделувајќи го овој посебен момент со нејзиниот сопруг и косопственик на клубот.

Историски успех за ФК Рексам

Победата има посебно значење за Рејнолдс, кој заедно со Роб Мекeлхени инвестираа 2,5 милиони долари за да го купат клубот во 2020 година, со амбициозна цел да го однесат најстариот фудбалски клуб од Велс во Премиер лигата. Оваа промоција е трето последователно напредување на клубот под нивно водство.

„Се чинеше како невозможен сон“, изјавил Рејнолдс за Асошиетед прес по натпреварот. „Пред пет години рековме дека нашата цел е да стигнеме до Премиер лигата. Разбирливо, имаше многу смеа, но сега изгледа дека тоа може да стане реалност.“

Последен пат клубот беше во второто ниво на натпреварување во сезоната 1981/1982 година, што дополнително ја нагласува важноста на ова достигнување.

Деловна соработка надвор од фудбалот

Рејнолдс и Роб Мекeлхени ја проширија својата деловна соработка надвор од фудбалот. Во октомври 2024 година, тие објавија дека ја купиле „Wrexham Lager Beer Co Ltd.“, најстарата компанија за лагер што сè уште постои во Велика Британија.

Дополнително, во јануари 2025 година, дуото откри дека тие се меѓу бројните славни инвеститори кои стекнале удел во Ла Еквидад, колумбиски фудбалски клуб. Меѓу останатите сопственици се актерката Ева Лонгорија, пензионираниот НБА играч Шон Мерион и бејзбол играчот Џастин Верландер и неговата сопруга Кејт Аптон.

Приватен живот и правни битки

Јавното излегување на парот доаѓа во време на правната битка што Блејк Лајвли ја води против нејзиниот колега од „It Ends With Us“, Џастин Балдони. Лајвли го тужеше Балдони за сексуално вознемирување во декември 2024 година. Ѕвездата на „Jane the Virgin“, кој ги негира обвинувањата, поднесе тужба за клевета и изнуда од 400 милиони долари против неа, Рејнолдс и нивната публицистка Лесли Слоун.