Коосновачот на "Microsoft" и некогаш најбогат човек на светот, Бил Гејтс, призна која била неговата најголема грешка во кариерата.
Во едно неодамнешно интервју, Гејтс искрено зборуваше за неуспехот на "Microsoft" да го обезбеди приматот на пазарот на мобилни оперативни системи – неуспех што му овозможи на "Android" на "Google" да доминира како платформа која не е на "Apple".
„Знаете, во светот на софтверот, особено за платформите, ова се пазари што ги земаат сите победници“, објасни Гејтс во неговиот разговор со извршната директорка на "Eventbrite", Џулија Харц.
„Најголемата грешка досега беше лошото управување што доведе до тоа "Microsoft" да не биде она што е "Android". "Android" е стандардна платформа за телефони каква што не е "Apple". Природно беше "Microsoft" да победи на тој фронт“, додаде Гејтс.
Гејтс користеше едноставна математика за да заклучи дека ако "Microsoft" го зазеде второто место на пазарот на мобилни оперативни системи, компанијата можеше да земе дел од колачот од 400 милијарди долари – пари кои наместо тоа го зајакнаа "Google".
"iPhone" на "Apple" дебитираше во јуни 2007 година, по што следеа уредите со "Android" во септември 2008 година. Влегувањето на "Microsoft" во арената на паметните телефони со "Windows Phone 7", пристигна многу подоцна – во октомври 2010 година. Дотогаш, пазарот на мобилни оперативни системи беше завршен, каде што "Android" и "iOS" заедно имаа 99,9% од уделот на пазарот.
Гејтс призна дека доцнењето на оваа игра ја запечати судбината на "Microsoft" на мобилните уреди.
Грешката на Мајкрософт во светот на мобилните уреди е во целосна спротивност со доминацијата на компанијата на пазарот на персонални компјутери. Оперативниот систем "Windows" на компанијата го трансформираше пазарот на компјутери во 1990-тите и останува камен-темелник на неговата вредност од 3 трилиони долари.
