Мистеријата за „вонземскиот“ сигнал детектиран во 2022 година конечно е решена – научниците од Технолошкиот институт во Масачусетс (МИТ) успеаја да утврдат од каде доаѓа. Овој брз радио рафал (FRB), кој траеше 2 милисекунди, а за кој шпекулираа дека е „порака“ од напредна вонземска цивилизација, дојде од мал регион на вселената екстремно блиску до неутронската ѕвезда, пишува „Дејли мејл“.
Истражувачите тврдат дека експлозијата мора да дошла од слој на моќни магнетни полиња што ја опкружуваат ѕвездата познат како магнетосфера.
Иако илјадници FRB се откриени, ова е прв пат астрономите да успеат да го утврдат потеклото на еден од овие мистериозни сигнали.
Коавторот професор Кијоши Масуи вели:
„Околу овие високомагнетни неутронски ѕвезди, познати и како магнетари, атомите не можат да постојат бидејќи би биле растргнати од магнетните полиња.
Покрај тоа, тој го додаде следново:
„Возбудливото нешто овде е што откриваме дека енергијата складирана во тие магнетни полиња, во близина на изворот, се искривува и реконфигурира за да може да се ослободи како радио бранови што можеме да ги видиме на половина пат низ универзумот.
Неутронските ѕвезди се формираат кога ѕвезда приближно седум до 19 пати поголема од нашето Сонце експлодира во насилна супернова, оставајќи зад себе густо јадро од компримирана материја.
Овие ѕвезди содржат до два пати повеќе материја од сонцето.
Овие ѕвездени јадра се толку густи што парче материјал од неутронска ѕвезда со големина на коцка шеќер би тежело милијарда тони на Земјата, што ги прави најгустите објекти што можеме директно да ги набљудуваме.
Околу овие чудни светови има насилни магнетни полиња кои можат да бидат трилиони пати посилни од оние околу Земјата.
Откако беше забележан првиот FRB во 2007 година, истражувачите открија илјадници од овие кратки, но интензивни експлозии насекаде од нашата галаксија до 8 милијарди светлосни години.
Иако овие блесоци не содржат доволно енергија за да бидат опасни, тие станаа збунувачка мистерија за научниците.
Некои научници сугерираат дека тие можеби се создадени од моќните магнетни полиња што ги опкружуваат далечните неутронски ѕвезди, но не се согласуваат сите астрономи.
Scientists SOLVE the mystery of 'alien' signal received from outer space https://t.co/K0g19E1vyc pic.twitter.com/sRJK9mFzAu
— Daily Mail Online (@MailOnline) January 2, 2025
Главната автоска на студијата и постодокторантката на Институтот за астрофизика и вселенски истражувања МИТ, Кензи Нимо, вели:
„Во овие средини на неутронски ѕвезди, магнетните полиња се навистина на границите на она што може да го произведе универзумот.
Истражувачите веруваат дека овој моќен сигнал потекнува од магнетните полиња што ја опкружуваат неутронската ѕвезда, ултра густите остатоци од мртвата ѕвезда.
FRB со години ги збунуваа истражувачите, појавувајќи се како минливи сигнали од далечниот универзум кои сè уште не можат дефинитивно да се објаснат. Се смета дека овие кратки блесоци може да потекнуваат од црни дупки или неутронски ѕвезди, иако некои дури шпекулираа дека можеби се од вонземско потекло. Првиот FRB беше забележан уште во 2001 година, но беше откриен дури во 2007 година кога научниците ги анализираа архивските податоци. Но, тоа беше толку привремено и навидум случајно што на астрономите им требаа години да се согласат дека не се работи за дефект во еден од инструментите на телескопот.
Но, кога д-р Нимо и нејзините колеги ја анализираа енергијата од FRB 20221022A, го видоа мистериозниот блесок како трепка како ѕвезда на небото.
„Ова значи дека FRB е веројатно стотици илјади километри од изворот“, рече д-р Нимо, како што пренесува Дејли мејл.
