Доколку сте свесни за некоја стара објава на Фејсбук што може да ве доведе во непријатна ситуација, не грижете се — решението е само неколку кликања далеку.
Функцијата Facebook Memories редовно ве потсетува на настани што сте ги споделиле со пријателите и следбениците. Иако ваквите потсетници често знаат да бидат забавни, понекогаш може да разбудат спомени од моменти што би сакале да ги оставите зад себе — било да се работи за смешни грешки од училишни излети, студентски забави или несакани сеќавања поврзани со луѓе и ситуации што веќе ги сметате за минато.
За среќа, Фејсбук нуди едноставна опција да го контролирате прикажувањето на овие спомени, па со неколку брзи прилагодувања може да се ослободите од непријатните потсетници кои би можеле да ви се појават на работа или во друштво на пријатели.
Како да ги исклучите спомените преку мобилната апликација за Android и iOS
1. Отворете ја апликацијата Facebook на вашиот телефон.
2. Пристапете до главното мени:
o На Android: допрете го кругот со сликата на вашиот профил во горниот десен агол.
o На iPhone: менито се наоѓа во долниот десен агол.
3. Изберете Спомени.
4. Допрете ја иконата за поставки (менувачот) во горниот десен агол.
5. Ќе се појават три опции:
o Сите спомени – прикажува потсетници за сите објави од тој ден.
o Highlights – прикажува само специјални видеа и колекции.
o Никој – нема да добивате никакви известувања за спомени.
Филтрирање на спомени според луѓе или датуми
За уште понапредна контрола, може да филтрирате одредени луѓе или временски периоди.
• Според пријатели:
o Следете ги претходните чекори и во менито за поставки изберете пријатели.
o Внесете ги имињата на корисниците чии објави не сакате да ги гледате. (Тие нема да бидат известени.)
• Според датуми:
o Во истото мени, изберете Датуми и потоа внесете го конкретниот датум или временскиот период што сакате да го исклучите. Може да филтрирате од еден ден до цела година, па дури и од периоди што датираат до 1900 година.
Кога ќе ги завршите прилагодувањата, допрете Готово, потоа Зачувај. Со ова, вашите несакани потсетници на Facebook Memories ќе станат минато, а вие ќе можете да уживате без непријатни изненадувања.
