Лекарот предупреди на употребата на одредени видови течности за плакнење на устата поради зголемениот ризик од развој на некои форми на рак.
Д-р. Каран Раџан, британски хирург кој работи за NHS, објасни за „Mirror“ дека постои еден вид на течност за плакнење на устата која треба да се избегнува.
Тој ја истакна важноста на читањето на етикетите и изборот на производи без алкохол.
Тој рече:
„Луѓето не треба да користат течност за плакнење на устата која содржи алкохол, освен ако тоа е апсолутно неопходно. Сè повеќе ја сфаќаме важноста на оралниот микробиом, на кој може да влијае алкохолот“.
Д-р. Раџан објасни дека која било течност за плакнење на устата која содржи алкохол го нарушува овој микробиом, уништувајќи ги неговите клучни функции.
На пример, многу добри бактерии во устата помагаат во заштитата на забите и непцата, го освежуваат здивот и го поддржуваат дигестивниот процес.
Течноста за плакнење на устата на база на алкохол не е исто што и алкохолниот пијалак бидејќи содржи поголема концентрација на алкохол и вашите заби се подолго изложени на неа.
Ако двапати дневно ја плакнеме устата со таква течност, ризикуваме сериозни здравствени проблеми подоцна во животот.
Д-р. Раџан додаде:
„Постојат прелиминарни докази кои сугерираат дека хроничната употреба на течноста за плакнење на устата е поврзана, во корелативна смисла, со зголемени стапки на колоректален карцином поради нарушен орален микробиом“.
Покрај тоа, експертите открија дека течноста за плакнење на устата која содржи алкохол може да ја исуши устата, што всушност може да го влоши лошиот здив.
Течностите за плакнење на устата на база на алкохол можат да предизвикаат:
– Чувство на печење во устата
– Болка во оралната слузница
– Омекнување на композитни пломби
- Дамки на забите
– Ерозија на глеѓта
- Чирови
